Google ADS

Vinicius Junior hedhë poshtë mundësinë për largim nga Real Madridi

12:12 | 2 Nëntor 2019
Arbresh Info

Vinicius Junior ka qëllim qëndrimin dhe suksesin në Real Madrid si dhe ka hedhur poshtë largimin në formë huazimi në janar.

Sipas një raporti nga Diario AS, Arsenali dhe AC Milani janë ndër klubet e interesuara në brazilianin ndërkohë që Paris Saint Germaini thuhet të ketë kërkuar përfshirjen e tij në marrëveshjen për shkëmbim verën e kaluar me Neymar, transmeton portali arbresh.info.

19-vjeçari ka shijuar një debutim të shkëlqyer në kryeqytetin spanjoll duke shënuar katër gola brenda 19 paraqitjeve në të gjitha kompeticionet gjatë sezonit 2018/19.

Megjithatë, këtë sezon Vinicius ka pasur më të vështira gjërat dhe është përzgjedhur në njëmbëdhjetshen startuese të Zinedine Zidanes vetëm katër herë ndërkohë që ka bërë pesë paraqitjet e tjera si zëvendësues.

Ka pasur kohë kur është larguar plotësisht nga skuadra dhe në mungesë të tij ka shkëlqyer talenti tjetër brazilian Rodrygo Goes.

Vinicius thuhet se nuk ka ndonjë interesim për largim nga ‘Los Blancos’ në një të ardhme të afërt./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm